مدونة اليوم

عروب صبح: "انفصم ينفصم .. إلحاحاً"

سمعي
مونت كارلو الدولية
3 دقائق

قولوا لي بالله عليكم هل سمعتم في أي دائرة قريبة أو بعيدة عن رجل يقال له: اصبر مهي نزوة ومصيرها رح ترجع على بيتها ! 

إعلان

أو 

: خليها تدور وتجرب مهي آخرتها بتنام في بيتك وجنبك!

هل هناك عاقل/ة في محيط الشرق الأوسط من الممكن أن يتوجه بمثل هذه النصائح أو غيرها لرجل شرقي بالتحديد؟

: إنت خليك في بيتك لو شوما صار، أوعك تترك البيت، دير بالك على أولادك وما تجيب سيرة لأي إنسان إنه زوجتك عندها علاقات !!

طيب شو يعني إنها عم تتصور مع عشيقها اللي أصغر منها ب 30سنة ؟ خلص مش اتطلقتوا؟ عيش حياتك ؟ 

: آه الأولاد ! – صمت – ثم - صمت – 

: هو رجل لكن انت إذا حكيت عن خيانته للناس بتفضحي حالك وأولادك !

: هو رجل شوهد مع أخريات في أماكن عامة وسهرات بدك تكبري عقلك..

مشاهد وحوارات حقيقية 

تنصح سيدة السيدات الأخريات عبر موقعها على أنستغرام ..

:اذا تعرضت للخيانة لا تواجهيه ! لا تحكي لأهله أو لأهلك ! راقبيه ..

لا تتركي بيتك، فكري لماذا خرج ليبحث عن أخرى ؟! انتظريه سيعود .. اعملي جهدك لتفهميه .. سيعود ..إذا لم يعد بتكوني انت عملت اللي عليك..

في جلسة نسائية 

: يا خالتو كل الرجال بعيشوا مرحلة هروب .. لا تلحقيهم برجعوا .. عيشي حياتك وانبسطي .. قومي بواجباتك وما تحسسيه انك عارفة أو مهتمة ... برجع لحاله ..

: الست المحترمة بتضل ساكتة لو شو ما صار بضل أبو ولادك.

تنصح زوجة ابنها

: شو بدك فيه؟ بما أنه بدفع الفواتير ومعيش الاولاد وفاتح البيت، خلص قايم بواجبه ..

أتركيه برجع لحاله.

قدرة المجتمعات العجيبة على امتصاص غضبها الأخلاقي طوعيا عندما يكون المخطىء رجل عجيبة غريبة وتتحدى قوانين الفيزياء .. وهي تتحداه بنفس القدر عندما ينتفض ضد الأنثى ولنفس الخطأ!

ربما نحن على كوكب مختلف عن كوكب فيثاغوروس ونيوتن وأينشتاين؟

استفاد البشر من بعض قوانين الفيزياء في الصناعة وأمور أخرى لكنها لم تؤثر على منطقهم وعلاقاتهم الإنسانية ..

فرد الفعل لا يساوي قوة الفعل ولا يعاكسه بالاتجاه الا إذا كان الفاعل امرأة !

عروب صبح

 

 

 

 

الرسالة الإخباريةأبرز الأحداث الدولية صباح كل يوم