مدونة اليوم

عروب صبح: "بعض الوعود تظل وعوداً"

سمعي
مونت كارلو الدولية
3 دقائق

سكتت الكلمة، واتسكر القلب، ما وقع ولا نجمة، وكل مكالمات الليل شربها الغول الأحمق ثم نام  وأخرجها في اليوم التالي على جذع شجرة ميتة.. تخيّل أنه يسقيها، إلا أن عينيه المغمضة من كثرة النعاس لم تراها يابسة.   

إعلان

 

بعض الوعود تظل وعوداً..

بلغة الأغاني...

"ما تاري الكلام بضلو كلام .. وكل شي بيخلص حتى الأحلام .."

يعني مش حوار 

قصة زي كل القصص 

حبك كم سنة وغير رأيه 

يا ستي كم يوم وغير رأيه 

في ناس بتغير رأيها بعد كم حديث على الوتساب أو المسنجر 

عشو (على ماذا ) مستغربة؟ 

لسة بدك تحكي؟ إحكي إحكي

أول شي اشتريته لبيتنا كان فنجانين قهوة ملونين..

قلت رح نصحى الصبح ونشرب قهوة مع بعض ..

ونحط فيروز ونشم الياسمينة المزروعة على البرندة 

طلع ما بحب القهوة عربية..

يللا عادي مش مهم .. خلينا نشرب شاي ..

ما في وقت...

المهم.. إنه الصبح عنده طقوس ما بتسمح له يضيع ربع ساعة على قعدة هبلة زي اللي كانت براسي ..

فكرت لما بعثلي ( أي شيء في العيد أهدي اليك يا ملاكي ) إنه رح يجيب لي الدنيا شي يوم زي ما كان يقول... ما كان بدي الدنيا ! كان بدي ورد ويضل يبعثلي أغاني ... 

فكرك ضل محتار؟

"لولو: 

الحب مـا شِي! 

يمكن  هاك الحب ماكان شِي!

أنا ليش اليوم تـ تطلعت بوشك! لأنو ماعاد في شي بقلبك

شو جاي تئـوول؟

خلف الكلام شو فيه ؟ 

لا من جوّا عم بتصرّخ . لاعيّونك حاملين البرق. ولا فيك بحر عم يهدّر ولا شجر عم يتكسر! 

روح من هوٌن

روح 

ضلّك رايح . . تَـ تخلص الدنيي

:إجا نايف 

راح نايف

وقف هون قدامي وفـلّ

خيال طاير. حطّ ع شجرة وطار

لا على الأرض ... ولا بقلبي ترك أثر

الخمس طعشر سنة، كانوا ناطرين دقيقة تَـ يخلصوا"

عروب صبح

 

 

 

 

 

الرسالة الإخباريةأبرز الأحداث الدولية صباح كل يوم