تخطي إلى المحتوى الرئيسي
مدونة اليوم

غادة عبد العال : "ب 100 راجل !"

سمعي
مونت كارلو الدولية

بتعملي اللي انتي عايزاه في الوقت اللي انتي عايزاه من غير ما تضطري تستأذني أو تألفي كدبه تخليكي تقدري تعمليه ؟-بتشتغلي و بتصرفي على نفسك و بقالك سنين ما أخدتيش من أي كائن مليم أحمر و لا مديتي إيدك لحد و قولتيله هات ؟

إعلان

مدونة وكاتبة مصرية ساخرة تمارس مهنة الصيدلة. بدأت مدونتها "عايزة اتجوز" عام 2006 قبل أن تنشر في كتاب عام 2009 تُرجم إلى لغات عدة عالمية منها الفرنسية وعرض في مسلسل حصل على الجائزة الفضية في مهرجان الإعلام العربي وحصلت عنه عبد العال على جائزة أحسن سيناريو. تكتب منذ 2009 مقالاً ثابتاً في الصحافة المصرية.

فيس بوك اضغط هنا

- كلمة "جايبالك عريس" بقت بتشكل عبء نفسي أكتر منها حاجة مفرحة ، أولا بتشيلي هم اللي جاي و أكيدمافيهوش الرمق لأن فكرة الناس عن عريس "مناسب" ليكي بقت غير فكرتك تماما مع مرور السنين ، ثانيا بتشيلي هم اللي هتسمعيه بعد ما تقولي لأ من باب "هي بتتأمر على إيه و العمر بيجري و لازم تتنازلي و مافيش حد كامل و لايميها بأه يا بنت الناس" ، ثالثا بتشيلي هم إنه يطلع كويس و تقبلي عشان ماعادش ليه في منظومة حياتك الجديدة مكان ؟
 
-من كتر ما أهلك علموكي تعتمدي على نفسك بأه صعب قوي بالنسبة لك تقبل فكرة "راجل" تعتمدي عليه ؟
 
-إتقدملك على الأقل 10 أشخاص حسيتي إنك أرجل منهم ؟
-بتخافي من الوحدة ؟
-بتحبي الوحدة؟
-ماعدتيش بتلاقي نفسك غير في الوحدة ؟
-لما بتزعلي بتصالحي نفسك ؟ ، لما بتبكي بتمسحي دموعك بإيدك ؟ ، لما بتقعي بتقومي لوحدك و تنضفي هدومك و ترفعي راسك و تكملي مشوارك لوحدك من غير ما تستني إيد مساعدة من أي حد ؟
-بتدوري كل يوم الصبح على شعراية بيضا جديدة مصممة تطلع في راسك و تشديها و تحطيها قدام عينيكي و بعدين تطلعلها لسانك و تضحكي ؟
...
إذا أنتي من فصيلة بنات مصر الثلاثينيات المختومات بختم "ب100 راجل" .. اللي المجتمع المصري رباهم عشان يبقوا ب 100 راجل و بعدين بيعاقبوهم على اللي ربوهم عليه ..
نيسكافيهك في مجك .. أفلامك في لاب توبك .. كتبك في مكتبتك .. اغانيكي على موبايلك .. نجاحك بتاعك مش بتاع أي حد فيهم .. اللي يقولك إنتي كائن ناقص قوليله بص لنفسك .. و اتبعيها بأعلى "طظ" تقدري عليها !
 
غادة عبد العال

 

الرسالة الإخباريةأبرز الأحداث الدولية صباح كل يوم

الصفحة غير متوفرة

المحتوى الذي تريدون تصفحه لم يعد في الخدمة أو غير متوفر حاليا.