تخطي إلى المحتوى الرئيسي
مدونة اليوم

عروب صبح: "ظاهرة"

سمعي
مونت كارلو الدولية

إذا صار عنا عرس بنزمروإذا نجحلنا حدا بالتوجيهي بنزمرقبل ما تفتح الإشارة الضوئية "بثانية" بنزمروبعد ما تفتح الإشارة كمان بنزمر

إعلان

 على الدوار.. وعلى الكوربة عالنزلة وعالطلعة كله بنزمر
إذا طول الشرطي علينا وهو موقفنا على الدوار مشان نذكره.. بنزمر
أما إذا حدا كسر علينا!!! بالغلط أو بالقصد أكيد بنزمر
ولو حدا ثاني قدامنا ماشي بطيء –بكزدر– كمان بنزمر
أما اللي بتوقف سيارته قدامنا "عطلانة" فمش مشكلتنا بنزمر
إذا طالعين من شارع فرعي لرئيسي -بالليل أو بالنهار- بنزمر
سواق باص المدرسة إذا تأخر أحد التلاميذ الصبح بكيييير بزمر
وفلان إذا جاي ياخد صاحبه بدل ما ينزل يناديه ... بزمر
إذا عجبتنا بنت بالشارع بنزمر
وإذا بدنا نجز حد بنزمر
سيارات الغاز قبل ما يركبولها الموسيقى كانت بتزمر
وإذا شفنا أبو فلان بالشارع وحبينا نقول مرحبا... بنزمر
لو قرر واحد منا يخفف ليمرر أحد المشاة !! كل اللي واره بزمر
إذا فاز حد معجبين فيه أو فيها بسوبر ستار أو ستار أكاديمي بنطلع بنزمر
وطبعاً إذا فاز المنتخب أكيد ومن كل بد بنزمر

هل هذه ظاهرة؟ لا أظن أنها ظاهرة أليس كذلك؟!! ترى كيف لمجموعة من الناس أن تتفق على طريقة واحدة للتعامل مع مواقف مختلفة ومتنافرة دون أن يكون ذلك ضمن المناهج الدراسية أو له جذور اجتماعية ضاربة في تاريخهم؟! كيف لصوت واحد أن يختصر الفرح و الغضب والإعجاب والخوف ونشوة النجاح؟
لكن المفارقة هو أنه إذا ارتفعت الأسعار "الوقود أو الكهرباء" وإذا ارتفعت الضرائب!
إذا زادت رواتب الكبار وبقيت على حالها رواتب الصغار... إذا زاد معدل البطالة مع وفود الكثير من العمالة... أما الدينار فيا دوب يشتري علكة وبسكوت من البقالة... إذا انباعت الفوسفات و قلعوا الشجرات أو بنوا مفاعل نووي ما حدا عارف كيف ولا متى اتخذوا فيه القرارات
إذا حصل كل هذا وأكثر ...
العجيييب يا إخوان إنه فجأة "ما بطلعلنا صوت

عروب صبح

هذه الصفحة غير متوفرة

يبدو أن خطأ قد وقع من قبلنا يمنع الوصول إلى الصفحة. نعمل على حل هذه المشكلة في أقرب وقت ممكن