تخطي إلى المحتوى الرئيسي
مدونة اليوم

عروب صبح : "ليش لأ!"

سمعي
مونت كارلو الدولية
3 دقائق

تخيل أن تصحو غداً لتقرر/ي أنك تريد أن تمارس مهنة الطب أو الصيدلة.. هكذا فقط لأنك قررت لسبب ما في نفسك ولأن لديك معارف في مكان قرار معين بقدروا يتلفنوا لشي شخص بمون على حدا بوزارة الصحة يطلعلك رخصة تفتح عيادة وبيقدر بقدرة قادر يحكي مع حد من النقابة يعطوك رخصة ممارسة مهنة.. تخيل/ي!

إعلان

 

 

بعدها بكم يوم بتحكي أو بحكولك مع كم شخص عندهم قلم للإيجار مشان يحكوا عن عظمتك وفظاعتك وأنت بتداوي المرضى وبتعالج المحرومين وأبناء السبيل ... فيطلقون عليك الألقاب ويمجدون ذكرك الذي لم يكن قبل برهة لولا صاحب الأمر قدس الله سره ...
بعد شوي بيحكوا عن اسهاماتك بشفاء الأمراض المستعصية واكتشافاتك المبهرة في حل لغز بعض الامراض عن طريق لمس الخبز المقرمش الذي يجب أن يتناوله المريض مرتين ونص كل أربع ساعات على معدة مليانه !!!!
 
من البداية لازم تنتبه للسوشال ميديا وصفحتك عالفيس وأكاونت تويتر اللي لازم تنزل عليه كل ما سبق بالإضافة الى همساتك وعطساتك ورأيك بثقب الأوزون ...
 
هل تتخيل/ي أن هذا ممكن؟
ليش لأ؟
رح تقولوا لأنه الطبيب والصيدلي بتعاملوا مع حياة البشر وصحتهم ...
(يا سلاااام يا أخي ) - بصوت أحمد زكي في مسرحية العيال كبرت –
اشمعنى بعض المهن اللي صارت مهنة من لامهنة له!!
 
آخر تقليعات المهن الجديدة..
بتاخد/ي كورس كورسين .. بتطبع/ي كم كرت ...بتعمل/ي صفحة عالفيسبوك .. كوبي بيست كوتس واللزي منه بتصير (فوليستك) لايف كوتش !!!...
 
مش مهم انك/كِ أصلا شخص فاشل/ة أو ناجح/ة بحياتك وعلاقاتك .. المهم تسمع/ي وتعطي الشخص اللي بده اياه واللي بده يسمعه منك ... يا كوتش.. والساعة بهالقد ... أو أون فرندلي بيسس..اتفضلوا الجلسة الاولى ببلاش..
 
أما اللي بيصير في الإعلام فحدث ولا حرج..
فمن ابن رئيس التحرير لبنت الباشا الوزير... لبنت أخو معاليه، لمرت طباخ البيك يا قلبي لا تحزن ... ولقب إعلامي صار أرخص من بلاش..
 
مش فجأة.. لكن الامور لاصت بزيادة ...بعد أن فتحت مواقع التواصل الاجتماعي أبوابها لكل الناس أصبح كل ناشر/ة لرأي على صفحته/ا يعتقد أن العالم متلهف لسماع صدى كلماته وأن عدد اللايكات أو الريتويت التي يحصدها تمثل ميزان ريختر الذي يقيس اهتزاز الكون لتصريحاته/ا (الأكثر تأثيرا)..
فليش لأ..
الغريب أننا،
نخاف ممن قد يؤثر على صحتنا ولكن من يخرب البيوت ويسمم أفكار الناس عادي ليش لأ!
عروب صبح
 
 

 

الرسالة الإخباريةأبرز الأحداث الدولية صباح كل يوم

الصفحة غير متوفرة

المحتوى الذي تريدون تصفحه لم يعد في الخدمة أو غير متوفر حاليا.