تخطي إلى المحتوى الرئيسي
مدونة اليوم

غادة عبد العال: القواعد التمام في التعامل مع الأقسام

سمعي
مونت كارلو الدولية

في حين أن العالم حاليا يعتبر أكثر قدرة على التعامل مع الأمراض الخطيرة المؤدية للوفاة و بالتالي معدل الأعمار في هذا العصر في ارتفاع مستمر إلا أنه لا يزال هناك الكثير و الكثير من الأسباب الدائمة التهديد للبشرية و المتسببة في قصم أعمار أفرادها كالأمراض السرطانية و الكوارث الطبيعية و ضحايا أقسام الشرطة.

إعلان
 و في حين أن معركة البشر مع السرطان لازالت مستمرة، و هناك محاولات دائمة لتطوير الأدوات القادرة على التنبؤ بالكوارث الطبيعية للحد من آثارها المدمرة ، فلماذا لا نرى محاولات جادة لحل مشكلة سقوط ضحايا في أقسام الشرطة بينما هي المشكلة الأسهل و القابلة للحل بإتباع بعض القواعد المنطقية البسيطة ؟
 خلونا نتفق أولا إن موت الضحايا داخل أقسام الشرطة ده مش خطأ الشرطة، أبسليوتلي، هو مسئولية الضحايا بالكامل لكن طبعا بما إننا شعوب ما بتبصش لنفسها و بتعشق رمي مسئولية أخطائها على غيرها، ماحدش طبعا هيقول كده خلينا الأول نتفق على قواعدنا و هنفهم مع بعض أخطأنا كلها، القواعد التمام لدخول الأقسام .. هي :

مدونة وكاتبة مصرية ساخرة تمارس مهنة الصيدلة. بدأت مدونتها "عايزة اتجوز" عام 2006 قبل أن تنشر في كتاب عام 2009 تُرجم إلى لغات عدة عالمية منها الفرنسية وعرض في مسلسل حصل على الجائزة الفضية في مهرجان الإعلام العربي وحصلت عنه عبد العال على جائزة أحسن سيناريو. تكتب منذ 2009 مقالاً ثابتاً في الصحافة المصرية.

فيس بوك اضغط هنا

 
١- ما تروحش القسم، تروح القسم ليه ؟، حل مشاكلك بنفسك يا سيد و اعتمد على روحك، شغل التواكل ده هو اللي مودي البلد في داهية على فكرة
 
٢-ما توديش حد القسم، إلا إذا كان ضميرك مات من زمان، و متفهم إنك واخدة القسم عشان خبط إصدام عربيتك و هيكون جزاءه إنه يخرج منه على مقابر المغاورين.
 
٣- ما تدخليش القسم، و ما تعمليش حاجة قد تؤدي و لو لاحتمال طفيف بإنك تروحي القسم، شوفتي فيلم الكرنك ؟، فاكرة حصل إيه لسعاد حسني ؟، حتى لو مش فاكرة، ما تدخليش القسم .
 
٤- كل من في القسم باشا، من أصغر مخبر لأكبر ظابط، و انت شخص ليس له قيمة حتى لو معاك دكتوراة في تكنولوجيا الصواريخ، فاعرف مقامك تقي قفاك من تحفيل كتير.
 
٥- الناس لبعضيها ، إفرض خد فيهم اداك شلوط عشان مرهق، أو اداك قفا عشان متعصب، أو قرر يلعب معاك بسلك كهربا ترفيها عن نفسه بعد ليالي طويلة سهرها في الخدمة عشان أمنك و سلامتك، تزعل ؟، تضايق ؟، لو مش هنستحملهم يعني يستحملهم مين ؟
 
٦- يا حبذا لو تشرب ماية كتير، عشان و انت بتنضرب لحمك يكون طري و إيد سيادة فرد الشرطة ما توجعوش عشان لو وجعته هيتغابى أكتر عليك.
 
٧- يا ريت لو تدخل الحمام قبل ما تدخل القسم برجليك، مش عايزين زروطة وقت التعذيب، خليك إنسان متحضر و نضيف.
 
٨- يا سلام كمان لو ركزت و انت بتصرخ من الألم و خليت بين كل صرخة و التانية هارموني كده ، صدقني هتفرق في مزاج اللي بيعذبك جدا و هيفرق في طريقته معاك، و هتنبسط، صدقني هتنبسط صحيح
 
٩- لو كان فيه ضرورة حتمية لدخول القسم يا حبذا لو دخلته مستعد، كاتب وصية لأولادك، حالق عشان صورة الجثة تبقى كويسه في أخبار الجرايد ، سايب صورة بروفايل ألوانها تليق مع الشريطة السودة اللي هتتحط فوقها في صفحة :”كلنا فلان الفلاني"   ، و ياريت لو تشتريلك طقم لبس جديد تتعذب و تموت فيه، ما تستخسرش، هو الواحد هيموت كل يوم يعني و إلا إيه ؟
 
دي بعض القواعد التمام في التعامل مع الدخول للأقسام ، لو التزمت بيها أضمنلك حياة سعيدة لو عرفت تتفادى دخولك للقسم، و إعاقة خفيفة لو التزمت بالقواعد و انت بتمر بالتجربة جوه، و جنات العلا لو حصلت في الأمور أمور، صفي إنت نيتك بس، و قول آمين !

 

الرسالة الإخباريةأبرز الأحداث الدولية صباح كل يوم

الصفحة غير متوفرة

المحتوى الذي تريدون تصفحه لم يعد في الخدمة أو غير متوفر حاليا.