تخطي إلى المحتوى الرئيسي
مدونة اليوم

جاي على بالي

سمعي
مونت كارلو الدولية
3 دقائق

كل مرة بدي أكتببكون عم بفكر ..أيا أبدى؟وشو الناس بدها تسمع؟أنا.. شو بدي أحكي للناس؟

إعلان

بدي احكيلكم سر في نفسي كشخص لازم يكتب موضوع اسبوعي ..
كثير مرا ت بكون حزنانة وانا بعيد قراءة اللي كتبته
حزنانة على حالي وعليكم
يعني بحس انه دائما وبطبيعة الحال انه المواضيع الها دخل بللي بنعيشه بالشرق الأوسط!
احتلال.. ومقاومة.. وقصف وعنف.. وعنصرية وطائفية وفساد مستشري وإصلاح اللي سافرت وما عم ترجع!
طيب وبعدين؟
جاي عبالي أحكي
عن القمر العملاق
عن قصة حب
عن جمال الحرية ومجتمعات تحكمها الاخلاق
جاي على بالي
ما أحس بالذنب إنه في ناس بتموت وأنا عايشة
انه في ناس بلا بيت وانا عندي سقف
انه في أطفال بلا حذاء وأنا عم بفكر باللون اللي ناقصني!

لو بدي أفكر شو كان ممكن أكتب هالاسبوع !
سأكتب لكم سلسلة من العناوين ادرجها يوميا أمامي لتساعدني في كتابة مدونتي الأسبوعية هنا على مونتي كارلو..
تخيلوا المواضيع!
قصف روضة أطفال في سوريا!
أولادي خايفين انه ترامب ينتخب ويمنعهم من انهم يزوروا أولاد خالتهم وما يشوفوهم !
جرائم الشرف في بلدي!
إخوتنا الصهاينة العرب !
اتفاقية الغاز وما أدراك ما اتفاقية الغاز!
فيلم الجوكر بلا باتمان!
قتل أمه وقطع رأسها في جريمة مروعة!
المخدرات والأمل الضائع!
خطاب الكراهية الموجه!
إعلام فستق فاضي!
مناصب بالمجان!
العنف في المدراس!
وعطفا عليه
اعلام صديق للاطفال!

لا أخفي عليكم أصابني الهلع من مما كتبت وكالعادة حزنت على نفسي وعليكم
وقررت انه مش جاي على بالي أكتب في أي من هذه المواضيع هذا الأسبوع
قررت أن تكون فشة خلق إلى والكم ..
شاركوني بما تحبون على

asoubh@gmail.com
أو على تويتر وسناب شات
@bataleh

وتعالوا نتخيل أن صوت العصافير أعلى من صوت الطائرات الحربية
وأن كل الصغار في المخيم يشعرون بالدفء في كانون
نلتقي في الأسبوع القادم
عروب صبح
 

الرسالة الإخباريةأبرز الأحداث الدولية صباح كل يوم

الصفحة غير متوفرة

المحتوى الذي تريدون تصفحه لم يعد في الخدمة أو غير متوفر حاليا.