تخطي إلى المحتوى الرئيسي
مدونة اليوم

عروب صبح: "من وحي ..يمكن لو..."

سمعي
مونت كارلو الدولية

من وحي ..يمكن لو...ماذا لو؟كلنا.. كل الناس بنحلم نفس الحلم كل ليلة قديش النوم رح يكون ممل !!كيف اللي بحبوا بعض عن بعد رح يتلاقوا؟والاشرار اذا ما شافوا كوابيس من شو رح يخافوا؟

إعلان

كلنا بنسمع نفس الأغاني.. وتخيلوا انه أصلا الأغاني هاي كلها متشابهة بالألحان والكلمات !
مافي ملكة ومافي سوبر ستار ولا محبوب الجماهير !!!...
شو رح يصير بمشاعرنا وكيف رح نعبرعنها ؟ كيف رح نحب ونشتاق ؟ كيف رح نحزن على الفراق ؟ طيب بالعرس كيف رح نرقص ؟ وإذا بدنا نشعر بالوطنية كيف بدنا ندبك ونهيص؟؟؟؟؟

يللا
بركي بتصير كل المشاعر واحدة !!!
خطر عبالي
طيب (ماذا لو) كلنا بنحب نفس الشخص؟؟؟ أو بنكره نفس الشخص ؟؟؟؟
يييييي ما بدي حتى أفكر...

ماذا لو؟
كان الطريق واحد الى كل الأماكن ..
تخيلوا قديش رح تكون زحمة هالطريق ...
وفي ناس رح توصل بكير وتزهق وناس رح تعلق بالأزمة وتتأخر وناس مش رح توصل بالمرة .. فكركم قديش عرض هالطريق ليوسع كل الناس؟ ووين آخرته؟ طيب ليش أصلا الناس رايحين كلهم هناك؟ بس يوصلوا شو رح يعملوا؟ أكيد رح يصير تجمع كبير ويزهقوا حالهم!

ماذا لو؟
الأرض ما فيها تضاريس ولا بحور ولا جبال ... (سهول تعبث فيها الرياح).. كان رح تطير البيوت والناس والزرع والحيوانات ..وتصير تلف و تلف حتى يمكن نشكل صورة مشابهه لحلقات زحل حول الأرض .. بس حلقات من المخلوقات ..
زهقتوا من صور الخيال العجيبة؟
طيب تعالوا نخفف الفانتازيا
ماذا لو
عشنا بسلام
وتوقف القتل والبطش والقصف والاطفال نيام

ماذا لو
زرعنا الأرض بدون كيماويات ؟
ماذا لو حرمنا التسلح النووي والقصف بالغازات؟
ماذا لو استعملنا بدائل لصناعة أحذيتنا و حقائبنا؟
وذبحنا عددا أقل من الحيوانات ؟

ماذا لو أقسمنا جميعا كل يوم
كل بربه وكل بدينه أو وطنه الأم
أن نقول الصدق ؟
( رجعنا للفانتازيا) !
 

هذه الصفحة غير متوفرة

يبدو أن خطأ قد وقع من قبلنا يمنع الوصول إلى الصفحة. نعمل على حل هذه المشكلة في أقرب وقت ممكن